Чингисийн хэрмэн зам

Энэ замыг Чингис хаан засуулсан гэх тэр үед хааны бэр эцэгтээ ил харгадах ёсгүй байжээ. Иймээс Чингис хаан бэрийн хамт алс холыг зорих болсонд ёсыг дагаж олон мянган хүний хүчээр асар их шороон хэрэм бариулж, нэг талаар нь Чингис хаан нөгөө талаар нь бэр нь явсан гэдэг.
Байршил: Сумын хуучин төвийн баруун талаас эхлэн Хуурайн давааг чиглэн Нарийн хөндийд хүрч, Сайханы араас баруун талаар хөндий даган Сайнцагаан нуурын хойгуур гарч, Норовлин сумын Улзын өндөр дэв, Дорнод аймгийн Баяндун сумын нутаг Хэрмийн худаг зэрэг газраар дамжин Цагаан-Овоо, Сэргэлэн, Гурванзагал сумдын нутгаар БНХАУ-ын нутаг хүртэл хэсэг хэсэг газар тасран үргэлжилсэн шороон хэрэм юм. Урт нь 500-600км байдаг.